Die Kaapstad Baroktrio verken verskeie metodes van instrumentele vertelling uit die barokera. Die barokpraktyke van affek, retoriek, allegorie en simboliek word in dié program gedemonstreer, waar ervare barokinstrumentaliste Annien Shaw (barokviool), Ralitza Macheva (barokviool) en Rosamund Ender (viola da gamba) werke van Corelli, Biber, Telemann en Vivaldi uitvoer. ’n Innoverende nuwe komposisie vir barokinstrumente deur Antoni Schonken word ook tentoongestel. Die uitvoering is gevolg deur ’n gratis musiekgesprek met kunstenaars bo in die Banketsaal.
Foto’s geneem deur Hans van der Veen
