Sluit aan by Oudtshoorn se eie koffiemeester Johan Breunissen vir ’n ontdekkingsreis van koffie in Afrika. Deelnemers proe unieke koffie uit Afrika, elk met die perfekte pasmaat van droëwors – insluitend gemsbok, volstruis en vlakvark. Leer meer oor die voorbereiding en roosterproses van koffie, met historiese staaltjies en koffieprosesse wat ook ingesluit word – onder andere die ontdekking van koffie deur bokke wat glo gedans het nadat hulle die bone geëet het. Moenie hierdie unieke ervaring misloop nie – dit beloof om jou waardering vir die kuns van koffie- en droëworsmaak te verdiep. Die kaartjieprys sluit ’n klein pakkie Afrika-koffie en droëworshappies in.