Pas ná die neerstort van ’n meteoriet op ’n plattelandse dorpie, kom soek ’n komponis daar inspirasie vir die klankbaan van ’n wetenskapsfiksiefliek. Hy loseer by ’n astronoom wat navorsing oor gravitasiekolke doen. Haar agtjarige seuntjie praat nie. Die verlede is iets waarvan die astronoom probeer ontsnap. Die komponis het ’n toekoms wat hy nie in die gesig wil staar nie. Maar in die onmoontlike “nou” ontstaan ’n aarselende verhouding tussen dié twee beskadigdes: wentel hulle om mekaar met kragte wat tot vernietiging óf vernuwing kan lei. Patmos is ’n evokatiewe, veelvlakkige novelle gegrond op Willem Anker se gelyknamige toneelstuk.