Trio du Cap Classique

8 Augustus • 10:00

(60 min.)

R170 • R160 (Vriende van die KKNK)

Ingesluit in die Klassique-pakket

Burgersentrum

MET Liesl Stoltz (fluit), Rosamund Roth (tjello) en José Dias (klavier)

Ervaar ’n oggend van verfynde kunstigheid met Trio du Cap Classique se energieke program by Klein Karoo Klassique. Van die klassieke helderheid van Mozart, tot die atmosferiese impressionisme van Eugene Goossens en ’n romantiese juweel deur Louise Farrenc – beloof hierdie uitvoering om ’n verrykende en gevarieerde musiekreis te wees. Hoogtepunte op die program sluit in Mozart se Klaviertrio in B-majeur, K. 502; Goossens se Five Impressions of a Holiday en Farrenc se Trio vir fluit, tjello en klavier in E-mineur, Op. 45. Die uitvoering word gevolg deur ’n gratis musiekgesprek met die kunstenaars bo in die Banketsaal.

Het jy al gekyk na:

Musiek

Klein Karoo Klassique Galakonsert

Nonhlanhla Yende (mezzosopraan), Charl du Plessis (klavier), Werner Spies (kontrabas), Peter Auret (tromme) en die Kaapstadse Feeskamerorkes, onder leiding van Richard Cock, bring musiek van Beethoven, Mozart, Vivaldi en Bach na die verhoog.

9 Augustus • 19:30

Musiek

Zorada se katedraal en kaperjol

Zorada Temmingh (orrel) speel werke van gewilde orrelkomponiste, waaronder Johann Pachelbel en Léon Boëllmann, asook van haar eie komposisies en improvisasies op kerkliedere, gevolg deur ’n gratis musiekgesprek in die NGK Park.

9 Augustus • 16:30

Musiek

Klavierkoors

Nina Schumann (klavier), Megan-Geoffrey Prins (klavier), José Dias (klavier) en Charl du Plessis (klavier) speel werke van Rachmaninoff, Schubert en selfs verrassende klanke van John Lennon – ’n simbiose van klassieke tradisie en moderne klank vir ’n onvergeetlike klavier-ekstravaganza.