Vertrek saam met RJ Tours op ’n historiese wandeltoer en reis terug in tyd na vyf van Oudtshoorn se unieke kerke en ander sandsteen-juwele. Hierdie rustige wandeling besoek vyf historiese kerke, wat van buite én binne beskou word en eindig by die C.P. Nel-museum, oorkant die feeskern van Klein Karoo Klassique. Die verlede kry lewe met elke tree deur hartlike stories en interessante feite. Jou kaartjie maak ook ’n bydrae tot die instandhouding van elke kerk wat besoek word.